Fizioterapiya Nədir?
Fizioterapiya
Fizioterapiya sağlam bir şəxsin mövcud gücünü, dözümlülüyünü və normal hərəkətini qoruyaraq və inkişaf etdirərək, sağlamlığını yaxşılaşdırmaq üçün istifadə olunan tibb sahəsidir.
Reabilitasiya, Ümumdünya Səhiyyə Təşkilatına (ÜST) əsasən əlilliyin təsirini azaltmaq, əngəlli şəxslərin mühitə uyğunlaşmasını artırmaq üçün bütün tədbirləri əhatə edən və şəxsi gündəlik həyatında mümkün qədər sərbəst etməyi hədəfləyən müalicələrin cəmidir.
Həkim-fizioterapevt kimdir?
Tibb fakültəsində 6 il təhsil alıb bitirdikdən sonra, fizioterapiya və reabilitasiya klinikalarında 4 il müddətində uzmanlıq təhsili alırlar. Bütün sümük-əzələ sistemi ağrılarının əməliyyatsız müalicəsi fizioterapevt həkimlər tərəfindən aparıla bilər. Müalicənin növü, xəstənin vəziyyətinə, xəstəliyinə, yaşına əsasən seçilir. Müalicə üsulları arasında dərman müalicəsi, oynaq və ya əzələ içinə inyeksiya, nevral terapiya, proloterapiya, ozon terapiyası kimi seçimlər ola bilər.
Nevroloji xəstəliklər, insult, Parkinson xəstəliyi, multipl skleroz kimi xəstəliklər, uşaq serebral iflici, spina bifida, əzələ xəstəlikləri kimi hallarda uzunmüddətli reabilitasiyaya ehtiyac oluna bilər.
Ancaq hər zaman fizioterapiyaya müraciət etmək uyğun olmayabilər. Xəstənin xəstəliyi və qan dəyərlərinə görə qərar vermək lazımdır. Bu məqamların doğruluğunu və düzgün zamanını həkim fizioterapevt qərar verir.
Fizioterapist kimdir?
Fizioterapistlər, universitetin 4 illik fizioterapiya fakültəsində oxuyan və fizioterapevtik tədbiqlərlə əlaqədar təhsil alan şəxslərdir. Fizioterapist və həkim fizioterapevt birgə xəstəni izləyir və tələb olunan hallarda xəstənin digər xəstəliklərini, oynaq və əzələlərə inyeksiya tədbiqlərini həkim fizioterapevt həyata keçirir. Xəstəyə təyin olunan idmanları və fizioterapevtik tədbiqləri isə fizioterapistlər həyata keçirir.